Pagkabuwal na Hindi Tiyak ang Sanhi

Nabuwal ka ngayong araw. Ngunit hindi pa nalalaman ang sanhi ng iyong pagkabuwal. Maaaring mangyari ang mga pagkabuwal dahil sa pagkadulas, pagkatisod, o pagkawala ng iyong balanse. Maaari ding mangyari ang pagkabuwal mula sa pagkawala ng malay o kombulsiyon.

Maaaring mangyari ang pagkabuwal dahil sa isang simpleng dahilan (gaya ng pagkatisod sa isang bagay). Ngunit ang mga pagkabuwal ng mas matatandang adulto ay kadalasang sanhi ng kombinasyon ng mga bagay-bagay:

• Paghina ng paggana na may kaugnayan sa edad na may lumulubhang balanse, katatagan, paningin, at lakas ng kalamnan

• Hindi gumaling-galing na sakit, gaya ng abnormal na pagtibok ng puso, sakit sa balbula ng puso, sakit sa puso, COPD, diyabetis, mga stroke, o arthritis

• Mga sapatos na hindi nagbibigay sa iyo ng sapat na suporta at ginagawa kang malamang na madulas

• Anemia o mababang presyon ng dugo 

• Mga epekto o masasamang epekto ng mga gamot

• Pagkawala ng tubig sa katawan (dehydration) o kamakailang pag-inom ng alak

• Mga panganib sa iyong bahay o sa iyong paligid, gaya ng hindi patag o madulas na lupa, isang hindi pamilyar na lugar, mga balakid, hindi pantay na ibabaw, o madudulas na lupa

• Isang bagay na nauugnay sa isang gawaing iyong ginagawa, gaya ng pagmamadali papunta sa banyo

Hindi pa nalalaman ang sanhi ng iyong pagkabuwal ngayong araw. Kaya posible na ang pagkawala ng malay o kombulsiyon ang dahilan. Nangangahulugan ito na maaari itong mangyari muli, nang walang babala. Kung nabuwal kang muli nang walang dahilan, bumalik kaagad sa pasilidad na ito para sa mga karagdagang pagsusuri. O mag-follow-up sa iyong tagapangalaga ng kalusugan gaya ng ipinaliliwanag sa ibaba.

Normal na makaramdam ng kirot at paninikip sa iyong mga kalamnan at bumalik sa susunod na raw, at hindi lang sa mga kalamnan na una mong napinsala. Magkakaugnay ang lahat ng bahagi ng iyong katawan. Kaya habang sa simula ay masakit ang isang bahagi, sa susunod na araw ay isa namang bahagi ang maaaring sumakit. Gayundin, kapag napinsala mo ang iyong sarili, nagiging sanhi ito ng pamamaga. Ginagawa nitong masikip at mas masakit ang iyong mga kalamnan. Pagkatapos niyon, dapat itong unti-unting gumaling sa loob ng ilang araw. Sabihin sa iyong tagapangalaga kung mayroon kang anumang matinding kirot.

Kahit walang tiyak na pinsala sa ulo, maaari ka pa ring magkaroon ng pagkaalog ng utak. Maaari pa ring mangyari ang mga pagkaalog ng utak at maging pagdurugo, lalo na kung nagkaroon ka ng kamakailang pinsala. O kung umiinom ka ng gamot na pampalabnaw ng dugo. Maaari ka ring magkaroon ng banayad na sakit ng ulo. At maaari kang makaramdam ng pagkapagod at maging pagduduwal o pagkahilo.